Jou Kar

Omvattende versekering vir jou kar is die volledigste versekeringsopsie. Dit bied dekking wanneer jou kar gesteel word, as jou kar en/of iemand anders se besittings in ‘n ongeluk beskadig word, of as natuurrampe soos vuur, haelskade of vallende bome jou tref. 

Beide Derdeparty, Brand en Diefstalversekering en Omvattende Karversekering bied  dekking as jou kar gesteel word of beskadig word deur ‘n brand, en vir skade wat dit aan ander se eiendom rig in die geval dat jy per ongeluk in iemand vas ry. Derdeparty, Brand en Diefstalversekering sluit egter dekking vir ongelukskade aan jou eie kar uit, waar Omvattende Karversekering dekking vir ongelukskade aan jou eie kar insluit.  

Veldbakkieversekering bied dekking wanneer jou kar gesteel word, as jou kar en/of iemand anders se besittings in ‘n ongeluk beskadig word, of as natuurrampe soos vuur, haelskade of vallende bome jou tref. Ons sluit ook R10 000 dekking vir bykomstighede in, uitsluitend die klanksisteem wat apart gedek word.

Derdeparty, Brand en Diefstalversekering sluit dekking vir ongelukskade aan jou eie kar uit, maar bied wel dekking teen skade wat jou kar aan ander se eiendom rig. Jy kan ook kies om jou Derdeparty-dekking te verhoog tot R5 miljoen, R10 miljoen of R20 miljoen. Indien jy nie jou kar teen ongelukskade wil verseker nie, is Derdeparty, Brand en Diefstal versekering beslis genoeg.

As jy gemaklik is om die kostes self te dra as jou kar gesteel of beskadig word, maar nog steeds gedek wil wees teen die skade wat jou kar aan ander se eiendom aanrig, is hierdie die opsie vir jou. Jy kan ook kies om jou Derdeparty-dekking te verhoog tot R5 miljoen, R10 miljoen of R20 miljoen toe.