Resep: Broodpoeding

Probeer gerus hierdie maklike resep van Herman Lensing en maak dit in ‘n lugbraaier (airfryer)!

• 8 croissants
• 1x 300 g piesangbrood
• 1 liter melk
• 5 eiers
• 200 g (250 ml) suiker
• 10 ml kaneel
• 125 g frambose
• 100 g pekanneute, gekap
• 100 g donkersjokolade, grofgekap
• 500 ml vanieljevla vir voorsit

Voorverhit die lugbraaier 180 °C.

Breek die croissants in kleiner stukke en plaas in ’n groot mengbak. Krummel die piesangbrood in kleiner stukke en voeg by die croissants. Voeg die res van die bestanddele by en meng deur. Maak seker alles is goed bedek. Spuit ’n 3 liter- Bundtpan met kleefwerende kossproei en skep die mengsel in die koekpan. Bak die poeding vir 20-25 minute of tot goudbruin en gestol. Keer uit op ’n opdienbord en giet die vla oor. Sit voor.