Die Virseker Trust

As handelsmerk is ons nog altyd trots Afrikaans, maar om te sê dat ‘n mens passievol oor ‘n taal is en om prakties iets te dóén om die voortbestaan en groei van jou taal te verseker is twee verskillende dinge. Dis juis om hierdie rede dat ons reeds vir meer as ‘n dekade lank ‘n stap verder gaan as net eersteklas versekering in Afrikaans, ‘n deel van ons kliënte se premies word elke maand oorbetaal aan die Virseker Trust en só met die hulp van ons polishouers help ons om ‘n beter Suid-Afrika vir beide ons en ons kinders te bou. Ons staan op die skouers van elke polishouer, want dis alleen deur hulle – ‘n groot groep mense wat elkeen ‘n klein bydrae lewer – dat ons ‘n formidabele, trots-Afrikaanse krag is wat die wêreld ten goede kan verander.